O ano pasado quedaron segundos e este ano lograban o primeiro premio. Jorge Álvarez, Miriam Rodríguez e Jordi Álvarez foron os gañadores do concurso de disfraces celebrado na madrugada do 13 de febreiro na praza Maior de Viana do Bolo.
Despois dunha intensa semana de Entroido e trala Queima dos Lardeiros, a vila vianesa celebraba, ao ritmo da discomóbil “A Gramola”, o tradicional certame con dúas categorías: individual e grupal. O trío vianés facíase co primeiro premio no apartado de grupos, cuns espectaculares traxes elaborados a man sobre o Carnaval Veneciano.
