DeportesGalerías de fotosÚltima hora

Os do Carballiño lévanse o segundo derbi do ano en Calabagueiros

Co 0-2 no marcador remataba o C.D. Barco-C.D. Arenteiro, o primeiro partido da segunda volta en 3ª división

 

Cunha derrota vén de comezar o C.D. Barco a segunda volta da liga en terceira división. Despois da vitoria in extremis ante o Ourense C.F. o pasado domingo, na tarde do 19 de xaneiro os rapaces de Manolo Pérez volvían xogar en casa, no campo de Calabagueiros, e de novo contra outro equipo da provincia, o C.D. Arenteiro, aínda que desta volta non tiveron á sorte do seu lado.

Tras unha primeira metade sen goles malia algunhas ocasións claras para ámbolos dous equipos que non chegaban a transformar, os tantos chegaban na segunda parte, favorables ao conxunto verde que suma a quinta vitoria da tempada. Costa marcaba no minuto 65 e só cinco despois Iago sentenciaba o encontro co 0-2.

 

Ivi Vales e Mitogo loitan polo balón. /Foto: Carlos G. Hervella.

 

Con este resultado os vermellos mantéñense en postos de promoción (3º) aínda que se distancian do segundo clasificado, o Ourense C.F. (que vencía 0-3 ao Bergantiños) e perden vantaxe co cuarto, o Arousa, que ten dous puntos menos. Con todo, o C.D. Barco ten un partido menos (contra o Pontellas, suspendido polo temporal). A seguinte cita será a domicilio, no campo do Alondras.

O C.D. Arenteiro pola súa banda, xa disputou o seu partido aprazado contra a UD Bouzas (empate a 2) e mantense na metade da táboa empatado a 25 puntos con 9º (o Vilalbés) e o 11º (o Estradense). O seguinte partido será en casa, no campo de Espiñedo, contra o Bergantiños.

Fotos: Carlos G. Hervella /Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close