En portadaÚltima hora

Os encoros do Miño-Sil contan cun 14,11% máis de volume que hai un ano

Dende decembro a reserva hidráulica foi aumentando paulatinamente ata acadar o máximo anual a finais de abril
Imaxe do río Sil ao seu paso polo Barco./ Foto: A.R.

A Confederación Hidrográfica do Miño-Sil (CHMS), que preside José Antonio Quiroga, fai balance do ano hidrolóxico (do 1 de outubro 2017 a 30 de setembro de 2018), que vén de finalizar. Ao peche do mesmo, a auga nos encoros desta demarcación atópase ao 56,38% (-1.707,48 hm3), un 14,11% máis que a cantidade rexistrada hai un ano e un 1,64% máis que o cheo promedio histórico nestas datas do ano.

Os encoros da conca Miño-Sil, cunha capacidade total de 3.028,44 hm3, comezaban o ano hidrolóxico 2017/18 cunha reserva de 1.280,24 hm3, un 13,46% por debaixo do promedio histórico para esta época do ano, -1.688,77 hm3. “Debido a un outono seco, as reservas acumuladas descenderon ata acadar un mínimo a comezos de decembro, situándose ao 37,49% da súa capacidade por un volume de 1.135,26 hm3, o que supón un 20,09% por debaixo do promedio histórico”, segundo se indica dende a CHMS.

Asemade indícase que, a partir de decembro, e “grazas ás precipitacións rexistradas, a reserva foi aumentando paulatinamente ata acadar o máximo anual a finais de abril, 2.662,94 hm3, que supón un 10,88% por riba do valor promedio”. Este ano hidrolóxico vén de concluír cun mes de setembro no que o caudal medio mensual situouse nun valor lixeiramente superior ao promedio histórico, un 7,2%.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close