Publicidade
EconomíaEconomíaÚltima hora

Os empresarios de Valdeorras despiden ao primeiro presidente de AEVA

O empresario Carlos Terán./ Foto: Carlos G. Hervella.

 

Dende a Asociación Empresarial de Valdeorras (AEVA) e O Barco Centro Comercial Aberto (CCA) vén de emitirse nesta tarde un comunicado para amosar o seu pesar polo falecemento de Carlos Luis Terán Díaz, un dos  fundadores desta entidade e o seu primeiro presidente, entre os anos 1990 e 1992.

Da súa figura destacan o seu “traballo, esforzo e valentía”, así como a súa “capacidade de entrega e a súa implicación en todos os proxectos que teñan que ver co desenvolvemento e o benestar do sector empresarial e da comarca de Valderras, por ter sabido superar as dificultades que xurdiron nos seus comezos, e porque sempre tivo claro que unha comarca como Valdeorras, cun sector empresarial dinámico e competitivo, tiña que apostar por este proxecto de traballo en equipo hoxe consolidado. Carlos deixou pegada na historia de AEVA”. O seu fillo, o tamén empresario Carlos Terán Búa, forma parte da súa xunta directiva en calidade de vicepresidente.

Así mesmo esta organización empresarial lembra que Carlos Terán respaldou a constitución da Asociación Centro Comercial Aberto (CCA) O Barco, da que foi ademais membro dende a súa creación no 2004.

“A Carlos Terán recordarémolo como persoa, como empresario e como amigo”, destacan dende AEVA e dende o CCA, que transmiten o seu máis sentido pésame á familia do empresario barquense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close