O presidente da Asociación de Empresarios do Parque Industrial da Raña (O Barco), Álvaro Blanco, e o director de zona de Abanca en Ourense Este, Diego Fernández, asinaban no mediodía do 27 de maio un convenio de colaboración.
A través deste acordo Abanca pon a disposición das empresas emprazadas nesta área industrial “un plan de financiamento que responde de maneira integral ás súas necesidades. O documento inclúe produtos e servizos que permiten tanto acometer investimentos, como reforzar a competitividade destes proxectos. Así, os empresarios do polígono contarán con produtos especificamente deseñados, entre os que destacan préstamos persoais e hipotecarios ou leasing mobiliario, con amplos prazos de amortización e xuros moi competitivos”, segundo se informa dende Abanca.
Ademais os empresarios terán a súa diposición outros produtos como pólizas de crédito, anticipos, coberturas de prezos sobre gasóleo, liñas de desconto comercial, confirming, factoring ou avais, segundo as súas necesidades.