ConcellosÚltima hora

Os esperpentos de Valle Inclán en galego chegan ao Barco

O Centro Dramático Galego representará “Martes de Carnaval” o 12 de maio ás 21h. no Teatro Lauro Olmo

 

Escena de “As galas do defunto”./ Foto: CDG.

A xira do Centro Dramático Galego (CDG) coa súa produción Martes de Carnaval, de Valle-Inclán, chegará á provincia de Ourense o12 de maio. O escenario do Teatro Lauro Olmo do Barco será o primeiro ourensán no que se representará esta peza, dirixida por Marta Pazos. Será ás 21h.

Esta proposta leva a escena por vez primeira en galego as obras de Valle-Inclán As galas do defunto e A filla do capitán. Conta cun destacado elenco de 10 actores e actrices (Iria Azevedo, César Cambeiro, Mercedes Castro, Anabell Gago, Miquel Insua, Alejandro Jato, Pablo Rivero Madriñán, María Roja, Machi Salgado e Sergio Zearreta) que lle darán  vida aos máis de 30 personaxes que suman as dúas pezas, “nun esixente traballo interpretativo e mesmo físico, que require tamén dunha gran rapidez e precisión técnica entre bambolinas”, segundo se destaca dende o CDG.

 

Escena de “A filla do capitán”./ Foto: CDG.

As entradas para a función de Martes de Carnaval mañá no Barco poden adquirirse a un prezo de 5 euros na oficina do Teatro Municipal Lauro Olmo en horario de 12,00 a 14,00 horas ou no despacho de billetes desde unha hora antes do comezo do espectáculo.

Despois de pasar polo Barco, a compañía porá rumbo cara ao Teatro Principal da cidade das Burgas, onde representará este espectáculo o venres 19, ás 11,00 horas, para centros escolares de Ourense e comarca, e o sábado 20, ás 20,30 horas, para público xeral.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close