Publicidade
Entroido 2020Galerías de fotosOurenseÚltima hora

Os Felos percorren as aldeas da serra de San Mamede

Fiel á tradición, a figura típica do Entroido de Maceda fixo soas as chocas interactuando cos veciños que agardaban a súa visita

 

Un ano máis, na xornada do Sábado de Entroido os Felos de Maceda fixeron soas as chocas por toda a serra de San Mamede. A figura tradicional do Entroido neste concello ourensán non faltou a súa cita cos veciños das aldeas e dende primeira hora da mañá protagonizou unha animada comitiva intimidando co seu bastón aos veciños que os esperaban con comida e bebida en Castro de Escuadro, Pías, Santirso, Xinzo da Costa, Celeirón, Barxela, Vilar, Carguizoi, Tioira e Maceda.

A praza das Toldas da capital do municipio é o punto de partida e meta desta celebración pura e ancestral cuxos ritos pasan de xeración en xeración. Os Felos son os amos da serra e tras impoñer a súa lei ao caer o sol a troula centrouse en Maceda coa “baixada da Marela”, amenizada por charangas.

O domingo repetiron o percorrido e hoxe, foi o turno para a festa infantil. Mañá, Martes de Entroido celebrarase o desfile de felos, carrozas e comparsas e o Mércores de Cinza o “enterro da Sardiña” porá o broche ao Entroido 2020.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close