En portadaÚltima hora

Os folións de Manzaneda e de Viana, entre os 4 Entroidos ourensáns do desfile da Máscara Ibérica en Lisboa

Será na tarde do día 19 de maio e nel tamén estarán as Bonitas de Sande e as Pantallas de Xinzo de Limia

As Mázcaras e o Fulión de Manzaneda, desfilando por Lisboa nunha edición anterior do FIMI./ Foto: Carlos G. Hervella.

Dende o 17 ao 20 de maio Lisboa esta a acoller o XIII Festival Internacional da Máscara Ibérica (FIMI), cuxo centro neurálxico será a Praça do Império, en Belém. Este evento desprega un amplo e variado programa que incluirá charlas e xornadas de cariz antropolóxico, ademais de mostras de gastronomía, artesanía ou concertos.

Folión e Boteiros de Viana do Bolo, xunto aos Xerónimos, en Belém, o pasado ano./ Foto: Carlos G. Hervella.

O acto central deste festival será o gran desfile da Máscara Ibérica, previsto para ás 16:30h. do 19 de maio. Sairá da Praça do Museo da Marinha e nel participarán 32 grupos e máis de 500 persoas, que traerán a Lisboa algunhas das celebracións máis ancestrais e singulares. Entre elas estarán catro Entroidos ourensáns, segundo a organización. Un deles será o Fulión e as Mázcaras de Manzaneda, que levarán a intensidade do seu toque, xunto co engado e a elegancia da súa danza, polas rúas lisboetas.

Tamén estará os Boteiros e o Folión de Viana do Bolo, cuxo atroador toque de bombos e aixadas resoará novamente con forza por Belém. Poderá verse tamén ás Pantallas de Xinzo de Limia e ás Bonitas de Sande (Cartelle). Tamén se estrearán neste encontro os Merdeiros de Vigo. A presenza española completarase con outras 16 celebracións, a metade das cales serán zamoranas. Ademais estarán unhas oito manifestacións portuguesas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close