Os gañadores do Rally Matemático 2015 viaxan á Cidade da Cultura de Galicia

Na tarde do 1 de xuño, o secretario xeral de Política Lingüística, Valentín García, reuníase co equipo gañador do Rally Científico Matemático 2015, que se impuxo o pasado día 22 na fase final de Toulouse (Francia).

Á cita na Cidade da Cultura de Galicia, acudiron os 40 estudantes dos institutos galegos Lauro Olmo do Barco de Valdeorras, Xermán Ancochea da Pobra de Trives, Os Rosais 2 de Vigo, A Sangriña da Guarda e María Casares de Oleiros, que viaxaron á cidade francesa para disputalo e que se fixeron co premio logo de resolver catro problemas cunha puntuación de 10.

A iniciativa, coordinada por IGACIENCIA, contou coa colaboración da Consellería de Cultura e Educación, por medio da Secretaría Xeral de Política Lingüística.