Multitude de nenos, acompañados polos seus pais, enchían a partires das sete da tarde do 10 de xuño a zona infantil da Festa do Casco Vello do Barco. Inchables e o grupo de animación “O Sorriso” facían as delicias dos máis pequenos na praza do Sagrado, tras a igrexa de San Mauro.
Entre tanto, comezaba a soar na praza Maior a música do grupo tradicional Os Bertolini, de Manzaneda, que enchían de ritmo os diferentes locais e casetas de comida e bebida montadas nesta zona. E sobre o escenario, instalado neste mesmo lugar, realizábanse as probas de son de cara aos concertos da noite. Así ás 22:30 está programada a actuación da Banda de Mazinger e, para ás 24h., a de Riff-Raff, grupo tributo a AC-DC.
A festa continuará mañá con máis propostas para nenos e maiores.
Fotos: A.R.