A Área Sanitaria de Ourense, Verín e O Barco de Valdeorras ten 999 casos activos de COVID-19, segundo a última actualización da Consellería de Sanidade. Deles, 782 permanecen a seguemento nos seus domicilios, 195 ingresados en planta e 22 en UCI.
No Hospital Universitario de Ourense hai 165 pacientes ingresados en planta e 21 en UCI. No Hospital Público de Valdeorras son 19 os pacientes en planta (catro máis que onte) e no Hospital de Verín 9.
Nos caso dos hospitais privados ourensáns, o Centro Médico El Carmen ten un ingreso en planta e CO.SA.GA un ingreso en planta e outro en UCI. “Os 22 pacientes ingresados na UCI son de prognóstico grave”, matiza sanidade.
O total de casos rexistrados na provincia ascende neste momento a 1.125, con 88 altas e 38 falecementos.
Estes datos do Sergas non inclúen os casos nin os falecementos de pacientes en residencias da terceira idade.
5.435 casos activos en Galicia
Na última actualización o número de casos de coronavirus en Galicia ascende, segundo Sanidade, a 5.435. Deles 1.117 son da área da Coruña, 563 da de Lugo, 999 da de Ourense, 466 da de Pontevedra, 1.094 da área de Vigo, 884 da de Santiago, e 312 da de Ferrol.
Do total de pacientes positivos, 162 permanecen en UCI, 910 están en unidades de hospitalización e 4.363 no domicilio. Polo de agora, en Galicia rexistráronse 688 altas de pacientes e 208 falecementos.
O número de PCR realizadas é de 32.146.
