A Área Sanitaria de Ourense, Verín e O Barco de Valdeorras ten 1.187 casos activos de COVID-19, segundo a última actualización feita pública pola Consellería de Sanidade. Dese total de positivos, 1017 permanecen a seguemento nos seus domicilios, 170 están ingresados en planta en hospitais e 23 en UCI.
O Hospital de Valdeorras rexistra 20 deses ingresos en planta, o que significa un máis que onte, mentres que no Hospital de Verín mantense a cifra de 6 ingresos en planta. No caso do Hospital Universitario de Ourense son 143 os ingresos en planta e 22 en UCI. Ademais no CO.SA.GA hai un ingreso en planta e outro en UCI. “Os 23 pacientes ingresados na UCI son de prognóstico grave”, segundo Sanidade.
O total de casos rexistrados na provincia ascende a 1.459, con 191 altas e 80 falecementos (entre residencias e hospitais).
Un total de 7.597 casos de coronavirus en Galicia, dos que 5.973 están activos
En Galicia o número de casos activos de coronavirus ascende a 5.973, deles 1.271 son da área da Coruña, 590 da de Lugo, 1.187 da de Ourense, 504 da de Pontevedra, 1.077 da área de Vigo, 1.007 da de Santiago, e 337 da de Ferrol.
Do total de pacientes positivos, 133 permanecen en UCI, 733 están en unidades de hospitalización e 5.107 no domicilio.
Polo de agora, os casos totais de coronavirus na comunidade ascenden a 7.597, rexistrándosse 1.240 altas de pacientes e 384 falecementos.
O número de probas PCR realizadas é de 48.337.
