A Área Sanitaria de Ourense, Verín e O Barco rexistra neste venres 25 de setembro 668 casos activos de coronavirus, segundo informa a Consellería de Sanidade. Deste total, 56 pacientes están hospitalizados (5 na Unidade de Coidados Intensivos) e 612 permanecen a seguemento a domicilio.
O Hospital de Valdeorras baixa nesta xornada a 3 ingresos en planta (un menos que onte), mentres o Hospital de Verín quédase en 9 (1 menos que onte) e no Hospital Universitario de Ourense hai 39 ingresos (5 máis que onte) en planta e 5 en UCI.
O total de casos rexistrados na provincia ascende a 3.310, con 2.496 curados e 146 falecementos. Ata o de agora lévanse realizado 55.737 probas PCR, delas 837 nas últimas 24 horas.
