O toque do Entroido do oriente ourensán soaba polas rúas de Viana do Castelo na tarde do 8 de xullo. O Folión Os Labregos de Trives era un dos grupos participantes en Eixpressões 2017 “Encontro de Teatro Popular do Noroeste Peninsular”.
O programa desta mostra cultural abríase na mañá do 8 de xullo no Largo de San Domingos e continuaba pola noite na praça do Eixo Atlántico cun desfile no que participaban máscaras do norte de Portugal como os Caretos de Ousilhão e de Grijó, xunto cos Boteiros e o folión de Os Labregos. O programa incluía asemade a presenza dos Volantes do Entroido Ribeirao, dos Cabreiros de Muíños e dos Troteiros de Bande, entre outros.
Este foro continuará na vindeira fin de semana con novos actos pero no Largo das Neves.
Fotos cedidas.
