Os mellores caldos galegos

Entrega de Premios da XXV Cata dos Viños de Galicia
Foto: Carlos G. Hervella

Foto: Carlos G. Hervella

A extraordinaria diversidade de viños, augardentes e licores de Galicia é un “fiel reflexo da idiosincrasia da nosa terra”. Así o aseguraba o presidente da Xunta, Alberto Núñez, na entrega de premios da XXV Cata dos Viños de Galicia, celebrada o 2 de xullo en Santiago. Nela o San Mamed (da adega Rosa María Pumar) da D.O. Ribeira Sacra recibía o premio ao mellor viño tinto de Galicia, mentres que o mellor branco era para un Rías Baias, o Señorío de Rubiós.

Por denominacións, en Valdeorras o acio de ouro recaía no godello A Coroa, o de prata no Ruchel mencía (de Bodegas Ruchel) e o de bronce en D’Berna (da adega Guitián y Blanco), ademais levaban diploma o mencía de Joaquín Rebolledo, o Godeval godello e o Viña de Fornos godello de Germán Rodríguez Salgado.

No Ribeiro o acio de ouro foi para Pazo Lodeiro (Julio Vázquez Quintela), o de prata para Casal de Paula (Emilio Docampo), e o de bronce para Pazo do Mar Expresión. O mellor branco de colleiteiro conseguíao Val de Souto e o mellor tinto Alter, ambos do Ribeiro. No que se refire á D.O. Monterrei, Quinta do Buble godello facíase co acio de ouro, Ladairo godello co de prata e o de bronce conseguíao Gargalo Treixadura.E xa na Ribeira Sacra o Viña Vella mencía levaba o acio de ouro, Sollío o de prata e Adega Vella mencía o de bronce.

Texto: O Sil/Redacción Ourense Foto: Carlos G. Hervella

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies