OurenseÚltima hora

Os micromachismos centran a campaña do 25-N do Concello de Ourense

Baixo o cancelo #nonseveperoé organizarán unha programación cunha homenaxe e diversas actividades con motivo do día internacional para a eliminación da violencia contra as mulleres
Jesús Vázquez e Sofía Godoy. // Foto: Carlos Asensio.

O Concello de Ourense vén de presentar as actividades do día internacional para a eliminación da violencia contra as mulleres, que se conmemora o vindeiro 25 de novembro. Segundo explicou o alcalde de Ourense, Jesús Vázquez, na presentación de hoxe, 21 de novembro, o obxectivo destas actividades é “visibilizar os comportamentos machistas cotiás, micromachismos”, algo que o rexedor municipal cualificou de “lacra”.

Baixo o cancelo #nonseveperoé, a Concellería de Igualdade organizou unha serie de relatorios, entre outras actividades, así como un acto homenaxe ás vítimas da violencia machista no 2017, a presentación do III Plan para a promoción da equidade de xénero no Concello de Ourense ou unha convocatoria para nomear as tres prazas da cidade co nome de mulleres ilustres.

O rexedor municipal, que estivo acompañado pola responsable de Igualdade do Concello, Sofía Godoy, expuxo que o Centro de Información Municipal á Muller (CIMM) tramitou 232 expedientes e realizou 910 consultas mentres que a casa de acollida para mulleres maltratadas atendeu a un total de 21 vítimas (e 20 menores), rexistrando un 67,93% de ocupación.

Vázquez Abad asegurou que o Concello “pon a disposición de cantas mulleres poidan estar expostas a algunha das múltiples violencias de xénero todos os recursos dispoñibles”. Nese senso, asegurou que vanse centrar na infancia “con actividades infantís nos barrios e centros cívicos, e implicaremos á mocidade con concertos, proxeccións e obradoiros de defensa persoal”, asegurou.

Todas estas actividades presentadas por Sofía Godoy están englobadas dentro dunha campaña que quere pór o foco “frases, actitudes ou advertencias que agochan o xermolo de situacións violentas cara ás mulleres que se manifestan en plena mocidade e adolescencia e que, dende o Concello, loitaremos por erradicalas de raíz”, asegurou con rotundidade Jesús Vázquez. Por este motivo elixiron o cancelo #nonseveperoé.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close