CulturaCulturaEducaciónGalerías de fotosÚltima hora

Os nenos de O Bolo reciben a visita e os agasallos de Papá Noel

A recepción navideña tiña lugar na mañá do 21 de decembro no pavillón do colexio

Como cada ano dende hai xa tres décadas, antes de coller as vacacións de Nadal, os cativos de O Bolo recibían a esperada visita de Papá Noel, unha inciativa promovida polo Concello.

Cargado de agasallos e acompañado polo alcalde Manuel Corzo e outros membros da corporación municipal, o entrañable personaxe navideño chegaba ao CEIP do Bolo pasadas as dez da mañá do 21 de decembro. Os cativos esperábano xa no pavillón e alí emocionados recibíano entre aplausos, sorrisos e abrazos, fotografándose sobre o seu regazo. E non é para menos xa que un a un íalles entregando os agasallos. Primeiro os detalles do Concello e despois os do propio colexio, así como os traballos realizados neste primeiro trimestre do curso xunto coas notas.

Despois de recibir os seus agasallos, os nenos acompañaban a Papá Noel e o alcalde ata a residencia da rerceira idade, ubicada moi preto do centro escolar e de regreso no colexio tiñan preparado un chocolate ben quentiño con biscoitos. Coma sempre, nenos, profesores e familiares pechaban a xornada tomando as uvas.

Fotos: Carlos G. Hervella.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close