Galerías de fotosÚltima hora

Os nenos do campamento urbano de Vilamartín reciben a visita da Patrulla Felina Barco

É unha das actividades do Vilaverán 2019 que entrou xa na recta final

As vacacións están tocando ao seu fin e con elas os campamentos urbanos nos que os cativos pasan boa parte do día. Así o fan no Vilaverán, o campamento organizado polo Concello de Vilamartín de Valdeorras que na mañá do 19 de agosto recibía unha visita moi especial.

Lorenzo, Uxía, Laura e Lucía, membros da asociación Patrulla Felina O Barco, achegábanse ata o Centro Sociocultural Santa Lucía para falar cos nenos sobre os gatos, eses simpátivos e fermosos animais domésticos que precisan máis coidados dos que pode parecer, sobre todo no que atinxe á alimentación. Así, entre as recomendacións dadas aos pequenos está a de non darlles de comer doces nin pementón “comerano sen problema pero para eles é veleno”, aseguraba Lorenzo que traía unha sorpresa. Despois da charla e dos consellos, os pequenos puderon coller en brazos e acariñar a dous fermosos gatos que comeron diante deles e deixáronse mimar.

Patrulla Felina O Barco é unha asociación sen ánimo de lucro que nacía “pola necesidade de axudar ás colonias de gatos rueiros do noso municipio que están expostas ao frío, enfermidades e que en moitas ocasións son envenenados ou exterminados, ademais de solucionar o problema da prohibición de que sexan alimentados”, explican dende o colectivo. Entre os obxectivos que se marcan están a localización das colonias; a indentificación dos gatos que as forman e a súa esterilización dándolles refuxio; e por último pero non menos importante: a búsqueda de adopción para cada un deles.

Fotos: Mónica G. Bellver excepto as tres últimas que son cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close