Os nenos protagonizan o acto conmemorativo do 40 aniversario da Constitución en Ourense

Foi a primeira edición do concurso de debuxos e redaccións presidida polo subdelegado do Goberno Emlilo González Afonso

Un total de 40 nenos e nenas de toda a provincia de Ourense, foron premiados polos seus traballos relacionados cos dereitos e deberes fundamentais, o tema central da XXXV edición do Concurso da Constitución no seu 40º Aniversario.

A entrega de premios tiña lugar na mañá do 6 de decembro no Auditorio de Ourense, nun acto inaugurado pola Banda Musical de Xoves da Limia e a coreografía de Sandra Alén e presidido polo subdelegado do Goberno en Ourense xunto co alcalde, a delegada territorial da Xunta, o tenente Fiscal, o xuíz Decano, deputados e senadores. Ao evento acudiron ademais membros da Administración Xeral do Estado, alcaldes e alcaldesas, representantes das corporacións locais, forzas e corpos de Seguridade, colexios profesionais, Universidade, asociacións, representantes sindicais e unha importante representación da comunidade educativa e alumnado.

Na súa intervención, o subdelegado do Goberno Emilio González Afonso, destacou no 40º Aniversario da Constitución o valor e a importancia da mesma, así como “síntoma de madurez democrática considerar a nosa Carta Magna coma un texto vivo, capaz de ser fortalecido mediante novos consensos que dean lugar a reformas adaptadas á España dun novo século”. Así mesmo destacou a gran participación da comunidade educativa da provincia resaltando a laboura pedagóxica mostrándolles ás novas xeracións a riqueza e importancia dos nosos dereitos e deberes que recolle a Constitución.

Por último instou a unha Constitución que mire a Europa, que culmine o modelo territorial fortalecendo a estructura autonómica, salvaguardando a igualdade e recoñecendo a diversidade dentro da cohesión territorial, que atenda ó medio ambiente e transición ecolóxica, que mire á nova tecnoloxía e se adapte á nova estructura de participación cidadá.

Ademais dos premios e agasallos aos cativos, no decurso do acto tamén se entregaron as distincións, que nesta edicións foron outorgadas a Ramón Salvador Álvarez, policía nacional adscrito a Comunidade Autónoma de Galicia e con destino en Ourense polo seu traballo no ámbito da loita contra a violencia de xénero; á Asociación APES (Asociación para a Prevención e a Educación Social) polo seu labor centrado na prevención social mediante tres programas: Escola Viva, Cidadanía Activa e Prisión Aberta; e a FADEMGA Plena Inclusión Ourense, Federación de Asociacións a favor das persoas con discapacidade intelectual formada na provincia por: Aspanas, Aspadisi, As Burgas, Asfaval, Ado e Autismo Ourense polo exemplo como movemento asociativo formado pola base familiar que loita polos dereitos e a inclusión das persoas con discapacidade intelectual.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies