O Concello de Ourense comezará o vindeiro mércores, 1 de xullo, a campaña “Un libro desconfina a túa imaxinación”, que ten como obxectivo fomentar a lectura entre a mocidade e axudar ao comercio local.
Esta iniciativa é válida para os ourensáns nados entre o 2002 e o 2006, aos que se lles agasallará un libro que poderán recoller nas librarías da cidade. Os menores de 14 anos deberán estar acompañados polos parentes ou por un titor legal.
Así, o Concello cubrirá ata un máximo de 20 euros por neno e libro e só poderán optar á promoción os nenos empadroados no propio Concello de Ourense.