En portadaÚltima hora

Os permisos para facer queimas poderán volver a solicitarse a partir do luns 7 de outubro

Deste xeito o 9 de outubro será o primeiro día para realizar queimas previamente comunicadas.

 

A partires de mañá luns 7 de outubro a Consellería do Medio Rural permitirá de novo tramitar permisos para facer queimas “de acordo coa normativa de aplicación, debido a que as condicións meteorolóxicas así o permiten”, segundo a Administración autonómica. Isto significa que o 9 de outubro será o primeiro día para realizar queimas previamente comunicadas.

Polo tanto, a partir de mañá ás 00.00 h. poderanse realizar as comunicacións e solicitudes de autorización de queimas a través da web do Medio Rural dacordo co establecido no artigo 34 da Lei 3/2007, do 9 de abril, de prevención e defensa contra os incendios forestais de Galicia. Ademais, en días laborables, tamén estará a disposición dos cidadáns o teléfono 012 para comunicar as queimas.

Deste xeito as persoas que queiran proceder á queima de “restos agrícolas amoreados nas zonas que determina a devandita lei nos períodos habilitados deberán comunicalo dous días antes. No caso de queimas de restos forestais amoreados, deberase solicitar unha autorización debido ao risco da actuación, sendo maior o proceso de tramitación. En todo caso, lembramos que as autorizacións e comunicacións deixan de ter validez nos días que hai vento e altas temperaturas”, matizan dende Medio Rural.

 Pódese ampliar información en: http://mediorural.xunta.gal/areas/forestal/queimas/

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close