Nova xornada de ascenso nas cifras de positivos por Covid-19 nas residencias da terceira idade galegas. Así, segundo a última actualización feita pública pola Consellería de Sanidade, son xa 66 os casos activos entre os usuarios: 10 na Residencia Orpea Coruña (Culleredo) e 56 na Residencia O Incio (O Incio).
Hai ademais 18 traballadores positivos nestes centros: 4 na Residencia Orpea Coruña (Culleredo), 1 na Residencia DomusVi Monforte (Monforte), 8 na Residencia O Incio (O Incio), 1 na Residencia de Maiores de Paradela, 1 na Residencia de Maiores San Bartolomeu (Xove), 1 na Residencia DomusVi Barra de Miño (Coles) e, finalmente, 2 Residencia DomusVi Lalín.
Ademais hai un positivo nun traballador da Residencia de discapacitados As Flores (Ourense).
