O número de casos de coronavirus en Galicia elévase a 3.758, segundo a última actualización de datos feita pública pola Dirección Xeral de Saúde Pública. Deles, 817 son da área sanitaria da Coruña, 371 da de Lugo, 520 da de Ourense (o que supón 41 máis que onte), 366 da de Pontevedra, 928 da área de Vigo, 547 da de Santiago e 209 da de Ferrol.
Do total de pacientes positivos, 147 permanecen en UCI, 822 están en unidades de hospitalización e 2.789 no domicilio. Polo de agora, en Galicia rexistráronse 187 altas de pacientes e 94 falecementos.
O número de PCR realizadas é de 17.276.
