Os programas “Labranza” e “O Agro”, que dirixe o valdeorrés Manuel Cruz, galardoados nos Premios D.O. Ribeiro

Estas distincións, que van pola súa oitava edición, entregaranse o 18 de xuño no Mosteiro de San Clodio (Leiro)

O barquense Manuel Cruz, director dos programas “Labranza” e”o Agro”. Imaxe: RTVG.

 

O Parador Hostal dos Reis Católicos, en Santiago de Compostela vén de acoller nesta mañá de 6 de xuño a presentación dos VIII Premios D.O. Ribeiro, nun acto que contaba coa presenza de Juan Manuel Casares (presidente do Consello Regulador), Julio Castro (director do Hostal) e Rosa Vilas (adxunta á dirección da CRTVG).

Durante a gala entregarase o “Premio de Honra” da denominación a Paradores; e o “Premio á Mellor Tarefa de Comunicación” aos programas da Televisión de Galicia “Labranza” e “O Agro”, que dirixe o xornalista barquense Manuel Cruz.

Sobre Labranza e O Agro, o Consello Regulador quere destacar “o esforzo do equipo que dirixe Manuel Cruz por informar tanto as novidades como da situación global do mundo agro alimentario e fai extensible o premio ao conxunto da CRTVG, polo seu servizo”. Deste xeito, Labranza e O Agro seguen ao xornalista Víctor de la Serna, premiado como Mellor Tarefa de Comunicación no 2018.

 

O presidente do CRDO Ribeiro, Juan Manuel Casares, dando a coñecer aos galardoados, na presentación en Santiago.

 

Na gala tamén se recoñecerán os mellores viños brancos e tintos, de adega e de colleiteiro, da Denominación de Orixe Ribeiro. Ademais, tamén vanse entregar os galardóns “Muller e Viño” e “Vida entre Vides”.

No histórico Mosteiro de San Clodio, berce da viticultura galega e das súas castes autóctonas, reuniranse adegas, colleiteiros, distribuidores, maioristas, medios de comunicación, divulgadores… Estes galardóns están organizzados pola D.O. Ribeiro e neles cóntase coa colaboración de Abanca.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies