En portadaÚltima hora

Os Radioafeccionados de Trives saen á rúa con actividades para os máis pequenos

Despregarán unha serie de propostas ludicas e divulgativas o día 1 de agosto nas que participarán os 90 nenos do campamento urbano Diver Trives
Logotipo dos radioafeccionados triveses.

Co fin de dar a coñecer o seu labor e achegala aos máis pequenos, o grupo de radioafeccionados A Pobra de Trives desenvolverá na mañá do vindeiro 1 de agosto varias actividades nesta vila. Estarán especialmente dirixidas os 90 nenos que participan no campamento de verán Diver Trives.

Entre elas figurarán probas como a “primeira cacería do zorro” e unha activación válida para os diplomas de monumentos e vestixios (ACRACB), coa referencia MVOU 0831 e o DME 32063 de URE, ademais do diploma comarcas galegas CG 040 (Terras de Trives).

“Estas actividades teñen como obxectivo dar a coñecer o noso patrimonio e achegar a radio aos máis xoves, así como a todos os que desexen achegarse”, segundo o grupo de radioafeccionados A Pobra de Trives. Coincidindo con este acto público da entidade, “o primeiro deste tipo que se organiza na vila”, matizan, tamén se lle renderá homenaxe a un dos pioneiros triveses neste mundo dos radioafeccionados, Jose Domínguez Pérez, xa falecido.

Artigos relacionados

Back to top button