Os Reis Magos chegarán á estación de autobuses do Barco ás cinco desta tarde

Dende aí iniciarán un percorrido pola vila que rematará na praza do Concello, onde serán recibidos polo alcalde

Imaxe da cabalgata do pasado ano 2018, saíndo da estación de autobuses./ Foto: A.R.

É, de seguro, un dos momentos máis esperados do Nadal para os máis pequenos. Un ano máis os cativos, acompañados polos seus familiares, encherán as rúas do Barco para recibir ás súas Maxestades de Oriente. A chegada de Melchor, Gaspar e Baltasar está prevista para ás cinco da tarde na estación de autobuses da vila.

Aí, os Reis Magos, acompañados polos seus paxes, subíranse as súas carrozas e percorrerán a vila nunha longa cabalgata que concluirá na praza do Concello, onde serán recibidos polo alcalde e acostuman despois dirixirlle unhas palabras aos rapaces. Ademais tamén haberá algunha que outra sorpresa.

Dende esta mañá xa comezaban os preparativos desta cabalgata, por parte da Policía Local nas rúas da vila.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies