Despois dun longo percorrido polo Barco en vehículos antigos descapotables, no que numerosos nenos e maiores os saudaban dende as fiestras e balcóns, as súas Maxestades de Oriente dirixíanse á praza do Concello. Unha vez alí, arredor das seis da tarde, Melchor, Gaspar e Baltasar baixábanse dos coches e dirixíanse a un recinto especialmente engalanado e no que se situaban as súas carrozas
Numerosos cativos, acompañados dos seus pais e nais, agardaban xa alí entusiasmados, mentres comezaba a nevar e soaba a música. Os Reis uníanse aos seus paxes, que xa estaban a carón de cadansúa carroza. Para saudar aos Reis e fotografarse con eles, os rapaces tiñan que seguir un circuíto delimitado por vallas que se iniciaba na praza do Príncipe e con saída pola praza do Concello. Multitude de nenos xunto aos seus pais formaban unha longa cola, respectando as distancias de seguridade.
Á saída do recinto os pequenos recibían un paquetiño individual de caramelos. Durante esta cabalgata tan especial todos os asistentes debían cumprir coas medidas de uso de máscara e distanciamento físico establecidas polas autoridades sanitarias.
Para velar polo cumprimento desas medidas e evitar que se produciran aglomaracións contábase coa colaboración da Policía Local, do Grupo de Emerxencias Supramunicipal (GES) O Barco e de Protección Civil do Barco.
Fotos: A.R.