EconomíaEconomíaÚltima hora

Os resultados dun estudo sobre as variedades de oliva auctóctonas brava e mansa presentaranse en Quiroga

Será nun acto previsto no Museo Etnográfico desta vila o 8 de outubro. Nel incluirase ademais unha sesión de cata comentada

 

Os resultados do proxecto “Variedades de oliveira autóctonas galegas Brava e Mansa: Mellora da produción dos oliveirais e desenvolvemento de aceites diferenciados” daranse a coñecer o vindeiro 8 de outubro a partires das 11:30h. nun acto que se celebrará no Museo Etnográfico de Quiroga.

Trátase dun proxecto liderado pola empresa local Ouro de Quiroga, contando coa colaboración do Centro Tecnolóxico da Carne a través do seu departamento de agronomía. Esta iniciativa poñíase en marcha no 2017 “coa pretensión de mellorar o cultivo de olivas autóctonas e caracterizar os aceites obtidos das variedades Brava e Mansa”, segundo se informa dende a empresa.

No decurso do proxecto realizouse, entre outras actividades, un seguimento das colleitas, comparando analiticamente o aceite de oliva virxe extra obtido fronte ao doutras variedades comerciais. Ademais desenvolvéronse aceites aromatizados con base brava e mansa, para promocionar novos produtos oleícolas do Val de Quiroga e Ribas de Sil.

“Os resultados demostraron que o aceite de Quiroga ten unha excelente aceptación a nivel consumidor, alcanzou a mellor puntuación en varios dos parámetros estudados”, segundo destaca Ouro do Quiroga.

Este acto de presentación tamén incluirá unha cata a nivel consumidor tanto dos aceites das castes brava e mansa virxe extra, como das versións aromatizadas que se elaboraron no proxecto. A entrada ao mesmo é libre.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close