En torno ás oito da tarde (hora dos aplausos) deste domingo 26 de abril, o primeiro no que os menores de 14 anos poden saír de casa durante unha hora ao día e con certas restriccións, os servizos de emerxencia e os corpos e forzas de seguridade de Quiroga, facían un percorrido animando á poboación.
O GES, Protección Civil de Quiroga e San Clodio, Policía Local, Garda Civil e Ambulancia do 061 participaban nesta singular procesión que saía dende o Albergue de Quiroga percorrendo a vila e tamén a de San Clodio. Ao seu paso, os veciños aplaudían dende as fiestras e balcóns, porque malia algunha flexibilización, continúan o estado de alarma e o confinamento.
Vídeo cedido