Xornada electoral no PSdeG-PSOE de Ourense. Os comicios para elixir ao novo secretario provincial arrancaban hoxe, 17 de decembro. A sede da capital abríu pola mañá e a militancia do resto da provincia poderá emitir o seu voto pola tarde.
En Ribeira de Canedo, en Ourense, chegaba cara ás once da mañá, a candidata e deputada no Parlamento de Galicia, Noela Blanco.
Tras exercer o seu dereito a voto, Blanco declarou que hoxe “estamos dando un exemplo de participación cidadá nesta provincia”. A socialista asegurou que que as súas expectativas con estes comicios son “pasar páxina nesta provincia dunha vez por todas.
Unha hora despois, chegaba á sede provincial o outro dos tres candidatos, Pachi Vázquez, que asegurou estar “tranquilo”. Do resto dos candidatos dixo que “fixemos o que tiñamos que face”. Vázquez referiuse á confluencia como “algo inevitable”. De cara ao futuro, tras coñecerse os resultados, para o candidato só hai dous camiños: “ir cara ao desastre ou ir cara a unidade da organización política”. Asemade, reiterou que, independentemente do resultado, “isto solo se gaña sentando nunha mesa e facendo un exercizo de unidade e integración”.
A primeira hora da tarde, exercía o seu dereito ao voto o candidato Rafael Rodríguez Villarino en Amoeiro, na mesa constituída na Casa da Cultura. As mesas electorais estarán abertas ata as oito da tarde.
Entre as mesas constituídas nesta tarde no no oriente ourensán están as de Viana do Bolo, A Rúa, O Barco e Vilamartín.