PolíticaÚltima hora

Os socialistas vianeses organizan unha andaina reivindicativa para pedir o arranxo da estrada de San Agustín

Partirá ás dez da mañá do 1 de xullo dende o Toural e chegará ata San Agustín
Aspecto do firme da estrada de San Agustín./ Foto: Carlos G. Hervella.

Dende o Toural, ao pé da escultura do Boteiro, partirá o domingo 1 de xullo ás dez da mañá a andaina reivindicativa que organizará o PSdeG-PSOE de Viana do Bolo para reivindicar o arranxo da estrada de San Agustín. Dende aí continuarase pola estrada ata o cruce da de Penouta e o traxecto finalizará en San Agustín.

Esta iniciativa súmase ás xestións que veñen realizando dende este partido político para pedir a mellora deste vial. “No pleno celebrado o 24 de maio, os socialistas presentaron unha moción para a creación dunha comisión con tres integrantes dos tres grupos con representación municipal, tendente a manter xuntanzas coa Xunta, Deputación de Ourense, Endesa e máis a alcaldía de Viana, para darlle unha solución axeitada ao grave estado no que se atopa a devandita estrada”, indica o PSdeG-PSOE de Viana nun comunicado.

Os socialistas vianeses destacan a importancia desta vía de comunicación, que conecta “máis de 20 localidades, cunha poboación estimada de 900 persoas que transitan diariamente por ela. Tamén é utilizada polos autobuses escolares. O seu estado é lastimoso, chea de fochancas, maleza que a invade, xerando verdadeiros problemas de seguridade, ca agravante da incomodidade e perigo, sobre todo, para os nenos na idade escolar”, aseguran.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close