EconomíaEconomíaÚltima hora

Os soutos de castiñeiros galegos, eixo dun ciclo de conferencias en Lugo

Un dos ponentes das xornadas será o valdeorrés Julián Alonso, presidente da Asociación Micolóxica Lucus

our1

Conferencias e mesas redondas cun mesmo tema, pero abordado dende diferentes ámbitos e perspectivas: os soutos de castiñeiros en Galicia. O ciclo de conferencias doutor Luis Asorey García estará adicado nesta ocasión ao mundo da castaña. Constará de cinco sesións que se abrirán o 14 de novembro ás 19:15h. no salón de actos da Deputación de Lugo coa intervención de Antonio Rigueiro Rodríguez, enxeñeiro de montes e catedrático do departamento de Produción Vexetal e Proxectos de Enxeñaría da Universidade de Santiago. A súa disertación titularase “Os soutos de castiñeiros. Castiñeiros senlleiros en Galicia”.

Ademais o 15 de novembro, ás 19:30h. Juan Luis Fernández Lorenzo, doutor en Bioloxía e tamén profesor da USC, falará sobre “Técnicas de multiplicación dos castiñeiros para soutos mansos”. E ao día seguinte, á mesma hora, o profesor Santiago Pereira, enxeñeiro agrónomo, abordará a temática das variedades ou cultivares de castiñeiro en Galicia. A cuarta das conferencias deste ciclo correrá a cargo do profesor Roque Julio Rodríguez, doutor enxeñeiro de montes, quen fará unha exposición sobre a “Creación de soutos mansos. Tratamentos culturais e silvícolas”.

O progama inclúe tamén unha mesa redonda, baixo o título “A Biota dos soutos”, que moderará o profesor Antonio Rigueiro o 21 de novembro ás 19h. Nela participarán Manuel Antonio Rodríguez Guitián, doutor en bioloxía, cunha intervención sobre a flora e vexetación dos castiñeiros; Augusto de Castro Lorenzo, tamén doutor en bioloxía, quen se centrará nos soutos como “hábitat para os vertebrados” e o valdeorrés Julián Alonso Díaz, doutor en veterinaria e presidente da Asociación Micolóxica Lucus, quen falará sobre os cogomelos dos soutos.

O ciclo completarase con outras dúas ponencias. Unha delas será o 22 de novembro ás 19:30h. e nela afondarase na “Indicación Xeográfica Protexida Castaña de Galicia. Comercialización e industrialización da castaña. Problemática do sector” da man do secretario desta IXP, Manuel López. E a conferencia que pechará o programa será a da doutora en bioloxía Fina Lombardero, quen analizará o estado sanitario dos soutos galegos. Estas xornadas serán organizadas pola Real Academia Galega de Ciencias coa colaboración da Deputación de Lugo e da USC.

Foto: Fran Domínguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close