DeportesÚltima hora

Os UltraSil organizan unha viaxe para asistir ao último partido de liga en 3ª división

O derbi C.D. Arenteiro-C.D. Barco celebrarase o domingo 19 de maio no Carballiño
Afeccionados do C.D. Barco animando ao equipo en Calabagueieros. /Foto: Carlos G. Hervella.

Expectantes e animados ata o final, co equipo ata o último partido. Ao berro de si se pode!! os afeccionados do C.D. Barco segue fiel ao equipo de terceira división que está a un paso de facer historia, mantendo ata o final da liga as opcións de xogar a promoción de ascenso a segunda división B.

A afección é sen dúbida o xogador número doce no Barco que se xogará o pase aos play off no partido do domingo 19 de maio no Carballiño. O campo de Espiñedo será testemuño dun intenso derbi provincial no que o C.D. Barco loitará polos tres puntos que lle den a posibilidade de promocionar, mentres que o C.D. Arenteiro faráo por afastarse dos postos de descenso.

O partido promete, por iso os UltraSil organizaron unha viaxe para que os siareiros do Barco poidan asistir e seguir animando ao equipo vermello. A viaxe máis a entrada custan 15 euros e quen o desexe pode apuntarse en Perruquería Nilo, Bar Makoki ou a través do Facebook dos UltraSil.

Dende a organización adiantan que se porán os autobuses que sexan necesarios.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close