En portadaGalerías de fotosÚltima hora

Os veciños de Buxán (O Bolo) xúntanse para celebrar a matanza do porco

Celebraban este costume tradicional na fin de semana do 10 e 11 de decembro

Eran moitas as matanzas do porco tradicionais que tiñan lugar durante a pasada fin de semana, pero de seguro que ningunha popular e colectiva como a de Buxán. Os veciños deste pobo bolés, que se caracterizan por promover diversas iniciativas conxuntas ao longo do ano, uníanse para celebrar este costume, tal e como se vén facendo dende antigo nesta zona.

O ritual iniciábase na mañá do sábado 10 de decembro tomando a tradicional parva, entre licores e doces na Casa do Pobo. Logo viña a faena: matábase o porco, pelábase e colgábase. De seguido, os veciños compartían un xantar e xa, pola noite, unha cea.

Ao día seguinte continuaba o proceso. Primeiro tomaban a parva e logo procedíase á desfeita do porco. A media mañá asábase o raxo nas brasas, que despois compartían tamén na mesa. E, como broche final da matanza e tendo en conta tamén que vai achegando o tempo do Entroido, soaban os bombos e as aixadas do folión polo pobo.

Fotos: Carlos G. Hervella.
Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close