ConcellosSan Xoán de RíoÚltima horaVídeos

Os veciños de Río reciben con aplausos ás portas da residencia aos equipos de vacinación do Covid

Antes o equipo 10 administraba a vacina a persoal e usarios da residencia de Trives e o equipo 11 aos do centro de Manzaneda

 

Esta terceira xornada de vacinación contra o Covid-19 na provincia de Ourense tocaba de cheo á comarca das Terras de Trives, a onde se desprazaban dous dos once equipos especiais que están a administrar a vacina na Área Sanitaria de Ourense, Verín e O Barco.

Así á residencia da terceira idade Pobra de Trives desprazábase o equipo 10 (formado por Gemma Rodríguez e Carla Correia do Centro de Saúde do Barco) e á de Manzaneda o equipo 11 (integrado por Andrea Álvarez e Tania Álvarez, tamén do Centro de Saúde do Barco). Despois, ambos trasladábanse á residencia de maiores de San Xoán de Río, onde chegaban arredor das 12:45h. e eran recibidos cun emotivo aplauso por parte dos veciños deste municipio.

Xa no interior da residencia, os equipos administraban a vacina do Covid a unhas 80 persoas, entre usuarios e persoal da residencia.

Fotos e vídeo cedidos.

 

Artigos relacionados

Back to top button