O bo tempo acompañou un ano máis aos veciños de Vilamartín de Valdeorras que na mañá do 23 de abril acompañaban á imaxe de San Jorge, patrón do pobo, na procesión que percorreu o centro da localidade para rematar na celebración da misa na igrexa parroquial. O acompañamento musical correu por conta da charanga Terras do Bibei.
Con este culto pola mañá e o baile a cargo da orquestra La Ola ADN (en sesión vermú e tarde), a localidade valdeorresa despedía as festas patronais que se celebraron ao longo de toda a fin de semana.
Fotos: Carlos G. Hervella
