Asáronse uns 60 quilos de castañas para completar a cea que tiña lugar o 14 de novembro
Como cada ano dende hai case unha década, foron os veciños de Vilela, os que pecharon o circuíto de magostos celebrados no termo municipal da Rúa.
Da man da asociación de veciños, na noite do 14 de novembro e de forma escalonada, unhas 140 persoas asistían á cea-magosto do San Martiño, na que ademais das empanadas, os bolos preñados e as bicas, puderon degustar uns 60 quilos de castañas asadas in situ, pouco pouco, sobre as brasas e no bombo adquirido este ano pola asociación.
Fotos: Mónica G. Bellver