O fútbol non pode faltar na programación deportiva das festas de verán da Rúa e na tarde do sábado 6 de agosto disputábase por partida triple co triangular de veteranos no que mediron forzas o C.D. Rúa, o C.D. Barco e o C.D. Ferreira.
Tralo saque de honra que facía Couso, en presenza da alcaldesa María González e do concelleiro de Deportes Avelino Fernández, pasadas as seis e media comezaba o primeiro partido do torneo entre os veteranos do Barco e os de Ferreira de Pantón, que gañaban os segundos na tanda de penaltis tralo empate a uns.
O segundo partido entre O Barco e A Rúa era para os rueses que vencían. O terceiro e definitivo encontro enfrontaba sobre o céspede artificial do Aguillón ao C.D. Rúa e ao C.D. Ferreira rematando con empate no marcador.
Finalmente, con catro puntos o conxunto local proclamábase campión do torneo, segundo eran os lucenses e terceros os do Barco.
Fotos: Carlos G. Hervella e cedidas.
