EconomíaEconomíaÚltima hora

Os viños de Valdeorras marídanse coa artesanía galega en Madrid

Dentro do evento “Pop Up Galicia. Saberes e Sabores”, inclúese unha cata de viños desta D.O. ourensá
A directora xeral, xunto ao director técnico da D.O. Valdeorras, Jorge Mazaira, en Madrid./ Foto: CRDO Valdeorras.

O “Pop Up Galicia. Saberes e Sabores”, que se celebra ata o 3 de xuño en Madrid, incluía na mañá do sábado día 2 unha cata de viños da Denominación de Orixe Valdeorras, co lema “Un brinde de sensacións” e a cargo do seu Consello Regulador. Nela contábase coa presenza da directora xeral de Comercio e Consumo, Sol Vázquez Abeal. Esta cata repetirase mañá ás 18:30 horas.

Desde o pasado 25 de maio, o Palacio de Santa Bárbara no que se desenvolve o evento encheuse de público interesado nas pezas dos máis de 50 profesionais da Artesanía de Galicia que se expoñen, así como nos 16 expositores de produtos gourmet galegos e nos 12 do sector artesán, nos talleres dedicados aos oficios de artesanía, nas catas e presentacións de produtos así como nos showcookings dirixidos por catro cociñeiros galegos de prestixio, e na Terraza Galicia, aberta de 12:00 a 23:00 horas todos os días.

A Consellería de Economía, Emprego e Industria, a través da Fundación Artesanía de Galicia e en colaboración con Galicia Calidade, organiza este evento no que se presenta unha selección da mellor gastronomía galega e de Artesanía de Galicia, co obxectivo de facer sentir Galicia en Madrid durante uns días.

A director xeral de Comercio, noutro dos momentos da súa visita á exposición.

En toda a programación destaca a aposta por amosar os oficios artesanais e a súa incorporación á presentación de produtos gourmet e da alta cociña galega, a través de catas, presentacións e showcookings. Os cociñeiros de grupo Nove, Lucía Freitas, Iñaki Bretal e Juan Crujeiras, así como o chef Jorge Gago, presentaron os seus pratos en pezas de cerámica e olería, madeira, acompañados por pezas de téxtil, coitelos artesanais, cestas tradicionais e cestos en corda de algodón.

Dentro da programación desta fin de semana, o obradoiro de Percusión Tradicional Sanín (Santiago de Compostela) dirixe un taller de elaboración de pandeiretas esta tarde de 17:30 a 21:30 e ofrecerá demostracións do seu oficio hoxe pola mañá e o domingo en horario de mañá e tarde. Pola súa banda, a ceramista Susana González Amado dirixe esta fin de semana un taller aberto para familias sobre torneado cerámico, en horario de mañá e de tarde. A programación complétase coa cata de viños de Adegas Celme prevista para o domingo ás 13:00 horas. A Tenda Pop Up Galicia, Saberes e Sabores estará aberta hoxe de 12:00 a 23:00 horas e mañá domingo de 12:00 a 21:30 horas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close