A Denominación de Orixe Valdeorras está a participar na oitava edición de Fenavin, feira organizada pola Deputación de Ciudad Real e que está considerado o certame monográfico de referencia do viño español, especializándose desde os seus inicios no negocio exterior. Comezaba o 12 de maio e prolongarase ata o vindeiro xoves día 14.
Para José Vicente Solarat López, presidente del consello regulador valdeorrés, é a súa primera feria tras asumir o cargo, por iso valora a cita dun xeito especial. “Que a túa primeira feria, e a primera na que es polo tanto portador das bondades dunha denominación de orixe como a nosa, sexa unha das mostras máis importantes de Europa sempre é algo satisfactorio, moi satisfactorio. Facelo en compaña das nosas catro denominacións galegas irmás e dalgunhas das adegas que forman parte do noso organismo, e en vista tamén do excelente momento do viño galego e o recoñecemento ao mesmo, é unha satisfacción engadida”.
Así nesta cita a D.O. Valdeorras comparte superficie expositiva coas outras denominacións de orixe galegas (Ribeiro, Monterrei, Ribeira Sacra e Rías Baixas) e tamén coa IXP de Licores e Augardentes de Galicia. A Consellería do Medio Rural e do Mar colabora coa promoción dos viños e augardentes galegos asumindo parte do custe do chan do certame e participando activamente na coordinación da asistencia conxunta da representación da nosa Comunidade baixo a marca “Galicia”.
Fenavin 2015 reúne a 1.361 adegas españolas con viños de todas as denominacións de orixe do país e conta con 29.200 m2 de exposición distribuídos en 7 pavillóns. Está prevista a participación duns 12.000 compradores nacionais e 3.200 internacionais (procedentes de máis de 65 países) e a realización de 180.000 contactos comerciais.