Do 29 ao 30 de outubro celebrarase en Madrid, no pavillón 14 do recinto feiral de Ifema, a novena edición do Salón dos Mellores Viños de España, que promove a Guía Peñín e que está dirixido a profesionais do sector, prensa e prescritores. Nel 320 adegas presentarán 1.500 viños procedentes de 67 denominacións de orixe, “un novo récord para o evento que se ten convertido no maior encontro de viño español de calidade a nivel nacional e internacional”, segundo os seus organizadores.
Escolleuse para estar presentes neste salón aos viños que lograron 90 ou máis puntos na recientemente publicada “Guía Peñín de los Vinos de España 2019”. Así Galicia contará nesta cita con 114 viños de 33 adegas, que representarán a 6 denominacións de orixe. A máis numerosa será Rías Baixas, xunto á Ribeira Sacra, Ribeiro e Valdeorras.