A Denominación de Orixe Valdeorras conta de novo con presenza directa na 37ª edición da London Wine Fair, un dos foros máis relevantes do eido do viño de cantos se celebran no ámbito europeo que se desenvolverá do 22 ao 24 de maio en Londres.
O seu consello regulador (que participa nesta feira co apoio do ICEX) conta cun stand propio no certame, no cal dez bodegas da comarca exhibirán as súas referencias máis significativas de brancos e tintos. Trátase de O Luar do Sil S.L; Bodega Ruchel S.L; Guitián y Blanco S.C; Bodega Virxe de Galir S.A.T; Adega A Coroa S.A.T; Bodega Roandi S.L; Bodega Cooperativa Jesús Nazareno; Bodega Santa Marta S.A.T; Bodega Joaquín Rebolledo S.A. e Bodega Cooperativa Virxe das Viñas.
O presidente do CRDO Valdeorras, Francisco García Álvarez, que acude á feira xunto á secretaria xerente do organiso, Alda Pérez; considera “prioritario” seguir a “desenvolver accións de promoción para os viños da comarca” posto que “favorecen a súa vibilidade e proxección internacional”.
A intensificación das accións de promoción está a ser un dos sinais de identidade da presidencia de Francisco García. Neste senso, no que vai de ano téñense desenvolvido actos promocionais en Santiago e Madrid e o Consello Regulador participou xa na feira alemá de Prowein. Xunto a isto, o organismo acaba de decidir participar en novembro próximo na Feira de Hong Kong.
