En portadaÚltima hora

Os viticultores independentes, a lista máis votada no censo A nas eleccións da D.O. Valdeorras

Uns 238 viticultores, o 48% do total, e 29 bodegas (sobre un censo total de 31) exercían o seu dereito ao voto
Un dos momentos da votacións ao CRDO Valdeorras./ Foto: A.R.

En dúas mesas electorais, instaladas nas oficinais comarcais agrarias do Barco e da Rúa, exercían o seu dereito ao voto o 9 de xullo un total de 238 viticultores da Denominación de Orixe de Valdeorras (o 48% do total) e 29 bodegas (sobre un censo total de 31). “En concreto, na mesa do Barco votaron un total de 112 viticultores e 13 adegas e na da Rúa fixérono 126 viticultores e 16 adegas”, segundo os datos que vén de facer públicos o Consello Regulador da D.O. Valdeorras.

Dentro do censo A a lista máis votada era a presentada por vez primeira por un grupo de viticultores independentes que conseguía un total de 80 votos. Despois situábase a candidatura de Unións Agrarias-UPA que sumaba 54, a do Sindicato Labrego-CLL con 52 votos e, finalmente, a da Asociación Agraria de Galicia 50. Deste xeito os tres representantes deste censo que se converterán en vogais serán os candidatos dos Viticultores Independentes, Unións Agrarias e Sindicato Labrego Galego.

No que atinxe ao Censo B (sector industrial) producíase un empate a 14 votos entre as listas da Asociación Agraria de Galicia, encabezada pola Adega Roandi, e a candidatura de Melillas-Coroa. A decisión sobre quen será a lista elixida finalmente tomarase por sorteo na vindeira semana.

Os inscritos no censo C, correspondente a cooperativas, non tiveron que votar porque houbo consenso e os diferentes aspirantes presentaron unha única candidatura.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close