DeportesGalerías de fotosÚltima hora

A ourensá Andrea Bello, campiona na proba de bandeiras da liga galega de salvamento e socorrismo

O club Salvour participará asemade no campionato de España de primavera que se celebrará en Madrid

O club ourensán Salvour vén de conseguir un estupendo resultado na primeira xornada da liga galega de salvamento e socorrismo celebrado esta fin de semana na praia de Bastiagueiro-Oleiros (A Crouña).

Alí, a deportista Andrea Bello Armada demostrou que tamén en augas abertas é unha das mellores de Galicia, converténdose na campiona da proba das bandeiras, logrando asemade o terceiro posto na carreira con táboa de salvamento. Nas mesmas probas competían tamén as súas compañeiras de equipo, debutantes na categoría sénior, logrando Mara Vélez o 7º posto na carreira de táboa e Ángela Oliveira o 11º.

Con respecto á categoría masculina, o representante do Salvour, Marco Salvadores Acero, loitou por meterse nas finais da proba de bandeiras e da carreira con esquí de salvamento, sen lograr o obxectivo.

A próxima cita para os ourensáns será o campionato de España de primavera a celebrar que se celebrará en Madrid a finais de abril. Tal como adiantan dende Salvour “participarán Andrea Bello e Ecequiel Quiroga, ambos con posibilidades de entrarnas finais e optar a algunha medalla”.
Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close