“Compartir Mola”, á primeira película gravada de forma colaborativa entre tódolos seus participantes (onde non hai director, senón conectores), estréase o xoves día 4 de decembro de forma simultánea nos cines Renoir e en máis de 100 espazos de coworking de toda España.
A Ourense chegará da man de Magma Espacio, o primeiro espazo de coworking do centro de Ourense. “É un entorno de traballo destinado a profesionais (autónomos, freelance, emprendedores e pequena empresa) de diferentes campos onde poden desenvolver os seus proxectos, ademais de asistir a diversos eventos (exposicións, cursos, proxeccións, conferencias…)” explican dende Magma.
Dende o propio espazo explican que no documental “Compartir Mola” descubrirase o lado máis persoal, divertido e social do consumo colaborativo, ademais das iniciativas e plataformas que o impulsan. “Compartindo conséguese aforrar custes e tempos, coñecer xente cos teus mesmos intereses, crear sinerxias con outros, intercambiar coñecemento e prosperar na túa vida personal e profesional, accedendo a produtos e servizos directamente do productor” indican dende Magma Espacio.
