CulturaCulturaMúsicaOurenseSen categorizar

Ourense acolle a primeira sesión do ciclo Do Audible

O grupo Vertixe Sonora Ensemble actuará ás 20h. no multiusos do campus universitario

vertixe

O ciclo Do Audible organizado dende a Consellería de Cultura, Educación e Ordenación Universitaria comeza hoxe 19 de xuño a programación da súa II edición cun espectáculo que terá como protagonistas a música, a danza e a poesía. A primeira sesión, terá lugar ás 20h. na sala multiusos do campus universitario de Ourense, e baixo o título “ Tactus” xirará en torno á respiración, o tacto, o aloumiño, a violencia física e o rozamento dos corpos.

A compoñente musical do concerto correrá a cargo do grupo Vertixe Sonora Ensemble, a partires de pezas do compositor estadounidense John Cage, do compositor colombiano Daniel Zea e do compositor mexicano Hugo Morales. Xunto coa interpretación musical de Vertixe Sonora formamdo por Pablo Coello ao saxofón, Celia Adrián ao acordeón, Diego Ventoso á percusión, e Ramón Souto á guitarra eléctrica, a sesión tamén contará coa participación poética de Ana Romaní, coa compañía de danza contemporánea Traspediante e con artistas en formación, da aula de acordeón do Conservatorio Profesional de Música de Ourense.

A música contemporánea interactúa en cada sesión coa palabra de relevantes personalidades do mundo da cultura, que achegan informacións e perspectivas de interpretación do feito musical que resulten enriquecedoras para o oínte. Deste xeito, o obxectivo do ciclo, promovido pola Secretaría Xeral de Cultura, coa colaboración de Vertixe Sonora, é procurar a normalización da escoita de música contemporánea entre o público galego.

Integrada por destacados solistas de música contemporánea de Galicia e de Portugal, Vertixe Sonora Ensemble conxuga artistas sonoros, artistas plásticos, músicos de jazz, intérpretes clásicos e xente do teatro e da danza. A partires dunha consciencia da multiplicidade no achegamento ao sonoro, establece un constante diálogo e interacción co pensamento, coa ciencia, coa tecnoloxía e con outras formas artísticas desde unha óptica cosmopolita, integradora e transcultural, para favorecer un espazo aberto á reflexión, á discusión e ao intercambio no campo da música contemporánea.

Máis información na edición en papel do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close