DeportesÚltima hora

Ourense acolle este sábado a 2ª xornada da II copa de España de salvamento e socorrismo

Catro membros do Club Salvour competirán na Piscina Rosario Dueñas nas categorías absoluta e xuvenil

Os absolutos Ecequiel Quiroga, Jorge Sánchez e Andrea Bello e a xuvenil Eva Espinosa, son os catro membros do Club Salvour que competirán está fin de semana en Ourense. A Piscina Rosario Dueñas acollerá este sábado, a segunda xornada da II copa de España de salvamento e socorrismo nas categorías xuvenil, júnior e absoluta.

Na proba participarán un total de 161 deportistas de vinteún clubs que pertencen a oito comunidades autónomas, sendo a categoría xuvenil a que maior participación ten, con 62 socorristas, mentres que a absoluta ten 56 inscritos e na júnior competirán 43 deportistas, segundo os datos da Federación Española de Salvamento e Socorrismo. Por territorios, é Galicia quen máis socorristas aporta (117), seguido de Castela e León (17), Cantabria (11), Castela-A Mancha (6), Aragón (4) e Canarias, Cataluña e Comunidade Valenciana (2).

Os resultados finais desta proba que se pechará coa terceira e última xornada que terá lugar o 14 de abril en Valladolid, serán os correspondentes á suma das tres xornadas.

Artigos relacionados

Back to top button