A cidade de Ourense converterase este outono na capital da literatura internacional. Do 26 de setembro ao 2 de outubro, acollerá a celebración do congreso mundial de escitores do PEN Clube, que atraerá a máis de 250 profesionais procedentes de 70 países. Precisamente, a presidenta do colectivo, a escritora mexicana Jennifer Clement, visitou estos días a cidade e aproveitou para agradecer “o compromiso e colaboración da Deputación de Ourense na organización” do evento.
Pola súa banda, o presidente da Deputación, Manuel Baltar, destacou que o congreso será “un dos eventos do ano”, e dixo que chega “nun momento ideal para reivindicar e pór sobre a mesa cuestións de especial trascendencia, como son os dereitos humanos, culturais e lingüísticos”.
O congreso xirará arredor do debate sobre as ameazas e a liberdade de expresión na literatura, convertendo a Ourense na “capital mundial da literatura”, en palabras do máximo representante do ente provincial.
