OurenseÚltima hora

Ourense acollerá a cuarta edición do ENGHIGA, do 15 ao 17 de outubro

O Concello e a Deputación de Ourense colaborarán con este encontro

A cidade de Ourense acollerá a cuarta edición do Encontro Hispanoamericano BIoceánico de Gastronomía (ENBHIGA), do 15 ao 19 de outubro. O concello de Ourense brindoulle o seu apoio á asociación Cociña Ourense, a cal agrupa a 13 cociñeiros da provincia para esta celebración.

 

O presidente de Cociña Ourense, Miguel González Quintela.

 

Este evento celébrase por primeira vez en España, xa que as edicións anteriores fixéranse en Chile, Arxentina e Costa Rica. “É un investimento en materia turística xa que entre oito e nove millóns de persoas escoitarán eses días falar de Ourense”, explicaba Pérez Jácome, alcalde de Ourense.

O chef Miguel González Quintela (gañador da edición De Tapas por Galicia 2017 e do Concurso de pinchos Sabores de Ourense), presidente de Cociña Ourense, explicaba que “o ENBHIGA non é só promoción dun día”, aínda que será o 17 de outubro, día de feira, o que se centre na cidade de Ourense, “iremos á praza de Abastos, poderemos degustar os produtos típicos de Ourense e que os participantes no encontro coñezan a gastronomía local”.

 

Os membros de Cociña Ourense xunto co presidente da Deputación, Manuel Baltar.

 

O resto do tempo será “para coñecer os produtores de viño da provincia, para realizar contactos coa Escola de Hostalaría de Vilamarín, e para darlle a coñecer ao mundo os potenciais da provincia. Temos ganas de poñer no escaparate todo o que temos en Ourense”, afirmou González Quintela.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close