Baixo o nome de “O Camino entre augas” o Concello de Ourense presentaba en Madrid na mañá do 23 de xaneiro a súa nova proposta turística.
O acto, celebrado no marco da Feira Internacional de Turismo (FITUR) contou coa participación do alcalde de Ourense Gonzalo Pérez Jácome; da directora de Turismo de Galicia, Nava Castro; da concelleira de Turismo e Termalismo Flora Moure e da actriz ourensá Cayetana Cabezas, que fixo de mestra de cerimonias.
Na súa intervención, Gonzalo Pérez Jácome repasou aspectos menos coñecidosda cidade das Burgas como o seu papel como “segunda potencia termal de Europa, un atractivo que se pode aproveitar incluso cando fai frío e chove”, dixo; o seu Entroido; e a celebración da segunda “Noite do Medo” en Ourense, “a máis grande de Galicia, una Noite da Santa Compaña”que se celebrará o 31 de outubro”, explicou o alcalde, que presentou a calidade na preparación do polbo e o café así como a espectacularidade e beleza no paso do río Miño pola cidade, con catro pontes, como outros dos atractivos.
Nava Castro, pola súa banda destacou a potencialidade de Galicia e en particular da cidade de Ourense como destino termal, un turismo de “calidade que desestacionaliza e aporta valor engadido”.
“A mensaxe coa que vén Turismo de Ourense a Fitur 2020 é claro: auga, auga e auga, dos nosos ríos, das nosas fontes e termas”, expuso a concelleira de Turismo e Termalismo, Flora Moure, unha auga que axuda a “mostrar a cidade de Ourense como un destino distinto, como esa Capital Termal donde saciar a sede de vida e de experiencias”. Moure detallou ademais as características da Vía da Prata e do Camiño Mozárabe ao seu paso pola urbe e apuntou que se trata da cidade galega “na que máis creceu o turismo en 2019″, convidando a “sumerxirse” en Ourense, a facer o Camiño entre augas.
A cita congregou a máis dun cento de convidados entre os que se encontraban periodistas especializados e profesionais do sector”.
